مستلزمات المبيت

منشور فيه معلومات بخصوص مستلزمات المبيت و فيه نوع من الفكاهة .... نهارت ألي تمشيو للمبيت باش ترسمو تهزو معاكم دبشكم ...ألي يتمثل في
* حوايج 
*فاست خفيفة و لا jillet ..ينجم يجي نهار بارد 
*دبش متع دوش (منشفة و شامبون ألخ .....)
*حبل باش تعملو شريطة في شباك المبيت و مقارس (مساسك )
*PCC متاعك خاطر برشا قلق في المبيت و كان معندكش لازمك كونكسيون في التاليفون و تصب برشا ألعاب و غناء ألخ....
 * كانك قراي ...و ناوي تقرى هز فايوز معاك ..خاطر ألي في البيت باش يتقلقو من الضو دونك تحل فيوز و اقرا على روحك 
*هز معاك مخدة حنينة هه 
*هز معاك غطاء ...ملحفة و فرشية خفيفة و كسيلة ...باش كي تبرد دنيا تلقاء باش تتغطا 
*هز معاك حاجة باش تغلف باها الجراية ...صحيح يبدا فها غطاء ...أما شكون يعرف ...
*هز معاك حكايات متع نظافة ... امو ، صابون ، خيشة ، كان لزم سطل و ركلات ...باش تنضفو البيت 
*هز معاك حاجة تحطها في القاع ...وين فرشك ...كيف زربيت صغيرة ...حكاية هكاكة ...
*هز معاك حكايات متع تطيب ...و كاس و مغرفة و فرشية و سكينة ألخ ...
*شوف كان دبر résistancee باش طيب عليه و دخلو بالسرقة لفاك ..خاطر ميحبوش ..و ماعون باش طيب فيه
*امور التجميل جال و سير لاولاد و ماكياج و سيشوار و الريق هكا للبنات ...
*هز معاك مراية صغيرة .. علقها في بيت 
*كان كازيا متاعك لوح ...هز معاك مطرقة و شوية مصامر دقهم باش تعلق فاهم حاجات 
*كوبة ...كدنا يعني ..لازم ديما تسكر الكازيا متاعك خاطر السرقة موجودة بزايد ....
*كان متروحش ديما هز معاك بانو صغير و لا أشريه من غادي باش تغسل فيه حوايجك 
*تنساش دبش القراية ...كرارس و ستيولوات و الأدوات المدرسية ...ألخ ...
*الماكلة ...بسيسة حاجة لازمة ..و زيت زيتونة ..و شوية حلو ..و خبز مبسس ...و فزات كيما هكا ..
*زربية باش تصلي علها و مصحف 
هاذم صور متع البيت ألي سكنت فها أنا 66 سنين لتالي ....أما لحقيقة قعت ...شهر و فصعت وليت نعمل في نافات ( روح لدار ) ...ههه
 هاذم الحاجات ألي لازمين و الله مستعان هههه