الترسيم

الترسيم في الفاك بالنسبة لمرحلة الهندسة أو الماجيستير فيه زوز أنواع : 
 

الترسيم لطلبة بقاو في نفس الفاك:

لهنا الترسيم يكون حسب الوثائق التالية : 

- وثيقة الترسيم عن بعد 

- نسخة بطاقة تعريف  

- زوز صور شمسية 

- نسخ مطابقة لاصل من كشوف الأعداد 

- نسخة مطابقة لاصل من كشف الأعداد بكالوريا 

- بطاقة الارشادات تلقاوها على الموقع أو في 

الترسيم للطلبة جاو من فاك أخرى : 

نفس الوثائق ألي حكيت علاهم الفوق نزيدوهم : 

- الملف الصحي تجيبو من الفاك القديمة 

 

----------------

ملاحظة: 

شهادة مغادرة هي موش لازمة لانو الوثيقة هاذي تكون موجود للطلبة ألي يبدا مثال يقر في فاك سنة أولى اجازة و عمل أعادة توجيه لفاك أخرى...يعني غادر الفاك ...أما أنتم كملتو القراية في الفاك موش غادرتو ...كانش كيف تبدا انتي سنا مثال رسمت على عين المكان و بلنترنات الزوز يعني في ماجيستير في فاك X و بعد تقبلت هندسة أو ماجيستير أخرى ...وقتها يمكن كيف باش تسحب الملف الصحي متاعك تعمل مطلب في سحب شهادة مغادرة قبل باش يعطيوك الملف الصحي و المطلب حط فيه أي وثيقة توري ألي انتي تقبلت هندسة أو ماجيستير و كان مالقيتش مشكل في الموضوع هذا الفاك عطاتك الملف الصحي متاعك دونك مريقل ...و آخر شيء فما طلبة تحكي على سحب ترسيم !!!! كلمة سحب ترسيم الرجاء عدم ذكرها لانها ماعندها حتى معنى في الحالة متاعكم ..سحب ترسيم تعني واحد يقر على روحي و عندو سبب صحي أو اجتماعي أو الى هو يخليه يسحب الترسيم باش يعمل سنة بيضاء باش مايتحسبش مدوبل