ماجيستير co-construit

في المنشور هذا باش يكون تفسير الماجيستير co-construit.....أول شيء الماجيستير هاذي هي ماجيستير من نوع الماجيستير المهني ...لكن ماهيش كيف الماجيستير المهني العادية 

​

الماجيستير المهني العادية هي ماجيستير تكون في اختصاص أو ميكرو اختصاص معين يكون مطلوب في سوق الشغل لكن القراية فيه تكون عامة شوية و الفورماسيون تكون متركزة أكثر على projets و- التربصات و الأشغال التطبيقية بالطبيعة انتي و الأختصاص و يكون فما تربص ختم الدروس و هي تحضير لسوق الشغل بالاساس 

​

الماجيستير co-construit هي تقريبا في نفس البيداغوجيا  كيف الماجيستير العادي لكن الفرق الكبير هو انو الماجيستير هاذي تكون بالشراكة بين الفاك و شركة من الميدان المهني و الماجيستير هاذي تكون قرايتها كيف متطلبات سوق الشغل بالضبط أو حتى ساعات تلقى حاجات على قياس الشركة الداعمة للماجيستير و الماجيستير هاذي بدات في تونس 2017 و أول مابدات في TBS و ESSECt و تو ولات موجودة في برشا كليات ...دونك كيف تلقاو co-construit يعني هاكا نوع متع ماجيستير مهني و لوجو شكون الداعم من السوق الشغل للماجيستير هاكي ...و أنا نشجع علها الحاجة هاكي لانو كيف شركة تدعم ماجيسيتر راو باش يكون التكوين الأكاديمي و العلمي و البيداغوجي و نوع الفورمسيون تقريبا هو شنوة مطلوب في سوق الشغل