التسجيل في المبيت

..التسجيل يتم على زوز مراحل ...المرحلة الأولى بلانترنات ...تعمل مطلب ...و تقعد تستنى النتيجة ... و المرحلة الثانية بعد ماتطع النتيجة ...تلم لوراق ألي لازمينك الكل و تلقى زادة وقت تمشي للمبيت ...و تمشي تهز دبشك و تسكن على روحك ...
------------------------------------

نبداو بمرحلة التسجيل عن بعد و هاكي أول مرحلة 
**بون فما 3 حاجات اسمهم ديوان الخدمات الشمال و الوسط و الجنوب ....يعني واحد باش يقرا في سوسة دونك هو تابع ديوان الوسط ....قلت باش "يقرا" موش فين يسكن ..ركزلي على الحكاية هاذي ....كل ديوان يحط تواريخ للتسجيل ...و كل دورة عندها تاريخ متاحها ....حسب خبرتي التواريخ هاكم موش ديما صحاح بضبط ...أما هاو باش نقلكم شفمة تو ...

I) ديوان الشمال :
الولايات ألي تابعين الشمال هوما : 
تونس وأريانة وبن عروس ومنوبة ونابل وبنزرت وزغوان وسليانة والكاف وباجة وجندوبة،
الموقع مع التسجيل
-----------------
II) ديوان الوسط :
الولايات ألي تابعين الوسط هوما : 
سوسة و المنستير و المهدية و القيروان و القصرين و سيدي بوزيد 
 موقع التسجيل
--------------

III) ديوان الجنوب :
الولايات صفاقس و قابس ومدنين وتطاوين و قفصة 
موقع التسجيل

---------------------
وقتلي تحل الموقع سواء الشمال أو الوسط و الجنوب باش تقوم بادخال رقم الباكو و بطاقة التعريف و تقوم بلستجيل ....التسجيل يكون بالعربي و ثبت بالباهي قبل التعمير ...و فما الأخوات في الكفالة يعني الأخوة ألي مازال بوك متكفل بيهم و تحت المعطيات الشخصية ألخ ...
و بعد ماتعمر يقوم بالتسجيل و يستجلو المعطيات متاعك و موش لازم تخرج وصل التسجيل ميفيد في شيء 
-------------------------
 ملاحظة : جماعة ألي باش تعمل أعادة توجيه راو تعمل تو تسجيل حسب الدورة متاعك و مبعد كان قبلوك في أعادة توجيه تعاود تعمل تسجيل آخر حسب الأختيار الجديد متاعك و متخافوش راو عندكم وقت و تو تقراو و دجا من الأولى ماتبداش القراية ، الأسبوع الأول كلوا ترسيم و حكايات هاكي و تختار في موقع التسجيل متع المبيت اختيارك
++++++++++++++++++++++++++++

المرحلة الثانية متع تسجيل هي وقتلي باش تمشي للمبيت و ترسم على عين المكان
------------------
*...و قتلي تطلع النتيجة ( النتيجة تطلع على نفس الموقع ألي عمرت فيه ) باش تلقى وقتا تمشي للمبيت ...و تلقى ورقة فها المعطيات متعاك اسمها وثيقة الموافقة على السكن و في أنا مبيت جيت ألخ  و الورقة هاكي تلقى فها الأوراق ألي لازمين باش كي تمشي للمبيت تهزهم معاك ..وهاو لوراق شنوة
1. وثیقة الإعلام بالموافقة على السكن ( تخرجوها وقتلي تطلع النتيجة كيما وريثكم الفوق )
2. نسخة من وصل الترسیم بمؤسسة التعلیم العالي( بعد ماتخلص الفاك تخرجها وريتكم الفوق زادة كيفا )
3. شھادة إقامة الأب أو الولي القانوني ( تخرجها من المركز باسمك و لا باسم الولي من المستحسن )
4. نسخة من بطاقة التعریف الوطنیة للطالب
5. شھادة طبیة تثبت سلامة الطالب من الأمراض المعدیة (تاخوها مع دفتر الصحي وقتلي تهزو لمستوصف و لا كان طبيب نسا معطاكش أعملها في الخاص و فسرت الفوق )
6. ظرفین خالصي معلوم البرید أحدھما بمعلوم رسالة مضمونة الوصول یحملان العنوان القار للطالب والترقیم البریدي ( زوز جوابات فاهم تنابر ، واحد فاهم تنبري 2500 و لاخر كيما جا ) 
7. صورتین شمسیتین تحملان اسم الطالب و لقبھ و رقم بطاقة التعریف الوطنیة
8. ا لالتزام باحترام النظام الداخلي معرف بالإمضاء وجوبا من طرف الطالب (تلقاوه في آخر الصفحة متع موافقة على السكن بالسنبة لجماعة الشمال و في لينك وحدو بالنسبة جماعة الوسط و الجنوب ..
و هذا لينك للي يحب يهبط النظام الداخلي من تو 
هنا التحميل
-------------------
من جملة الأوراق هاكم فما شهادة ترسيم في الفاك عن بعد  هاكي تو تخرجها من النات وقتلي تخلص الفاك . 
--------------------
.... و فما شهادة طبية....آخر فترات التوجيه  ...باش تمشيو للمعهد و ، تاخذو الدفتر الصحي و بعد تمشاو لمستوصف أو سبيطار أو غاذي تلقاو طبيب في المعهد (اسألو المدير )، يعدي عليكم طبيب و يعطيكم شهادة طبية ..الدفتر الصحي باش تعطيوه لفاك مبعد و الشهادة الطبية للمبيت...
-------------------
خلاص المبيت يكون سوى عن بعد ، تخلص بحوالة باريدية ماندا يعني أو في الموقع بالكارت الالكترونة كيما موقع الشمال أو تكون على عين المكان في المبيت ...في ورقة القبول تلقاو رقم الحساب ألي باش تخلص عليه في البريد و تاخو توصل و كان مافماش معناها تخلص في المبيت 
---------------------
نهارت ألي تطلع النتيجة تلقى وقتاش لازم تمشي للمبيت  و التاريخ هاكا تنجم تمشي بعدو نورمال أما ماتفوتش جمعة لانو تنجم تخسر بلاصتك في المبيت و لكن ماتنجمش تمشي قبل ....كان تمشي قبل فما أمكانية يقلك أرجع غدوة ...وكان عندك صديق تحب تسكن معاه و هو جا قبلك بنهار دونك هو يمشي و يحكي مع المدير 
-----------------------

 الأنشطة داخل المبيت : 
في كل مبيت تقريبا تلقاو عدة انشطة رياضية و فنية و مسرحية  و علمية و وقت التسجيل مطالب أنك تختار نشاط من الأنشطة .