توضيحات عامة

1- ألي عندهم اضرابات و مايخلطش يحضر الملف متاعو شنوة يعمل ؟ 

لهنا فما زوز حاجات .... فما كليات فيها من الأول تسجيل عن بعد فقط و غالبا يكون فما معدلات سنة أولى و ثانية  و حتى كان فما سنة ثالثة تلقى متع السداسي الأولى الأكثر فقط لهنا فماش مشكل لانو تنجم ترسم فقط عبر الانترنات و بعد تطلع النتيجة و تركح أموركم الوقت ألي يكون ديجا كملت انتي . 

و بالنسبة للتسجيل مباشرة من الأولى أو ألي بلنترنات و انتي ماعندكش المعطيات الكل ...لهنا لازمك تتصل بلفاك ألي باش تصب فيها و تعلمهم و تشوف معاهم فماش حل أنك تبعث ملف ناقص من ثم تكمل باقي الوثائق في شكل ملف ملحق ... و هو عادة الماجيستير الضرب الصحيح يكون في جويلية و أيضا فما برشا يمشيو بالتسجيل عن بعد و ألي تستقحش أوراق و لكن كان لقيت روحك متنجمش تصب و ماعندكش حل تتصل بلفاك متاعك و بلفاك ألي باش تصب فيها الزوز و تشوف معاهم حل 

ملاحظة أخرى هي انو فما ساعات فكات يطلبو في الأوراق نسخة من الشهادة ...الشهادة هي في كل الأوحال ديما تحضر مخر و لهنا تنجم تبعث في بلاصتها وثيقة  ختم الدروس أو بطاقة أعداد السنة الثالثة 

آخر شي فما طلبة هوما وخرو في وقت تقديم مشروع ختم الدروس ..حتى لسيبتمبر ..هاذم ماعندهم حتى حل ...لانو المشكل منهم هوما لانهم وخرو ..و زملائهم كملو من جوان أو جويلية 

--------------------

2- الماجيستير الفولانية حلت أو لا ؟ و فين نلقاها ؟ و وقتاش التسجيل .. ؟

استفسار كلاسيكي برشا ...و الأجابة عندكم أنتم ...لانو في الموقع هذا تلقاك الماجيستير مقسمين حسب الجامعات و في كل جامعة تلقى كل فاك شنوة فيها ماجيستير و كل ماتحل فاك في التسجيل تلقاو زادة الأجال و رابط التسجيل ...يعني أنتم لازمكم كل مرة تدخلو تشوفو  كل ماهو جديد 

اضغط هنا

------------------

3- أنا عملت اختصاص فولاني ..عندي الحق نجم نصب في ماجيستير فولانية في اختصاص آخر ؟ 

آي واحد مينجم يصب كان في ماجيستير تكون في نفس الأختصاص أو أختصاص قريب من اختصاصوا و ديجا في بلاغات الماجيستير تلقى سواء الاجازات و الاختصاصات المطلوبة و أيضا فما منطق في الحكاية ... و تغيير الأختصاص مينجمش يكون الا في حالة برك تلقى في بلاغ الماجيستير طالبين عدة اجازات و اختصاصات . 

------------------

4- كيفاش نتعدى من ماجيستير  مهني الى ماجستير بحث أو تحب تبدل الماجيسيتر جملا ؟ 

الحل هو ساهل برشا و مفماش غيرو ..هو أنك تقدم ترشحك في الماجيستير ألي حاشتك بيها و كهو. 

-----------------

5- تنجم تقرى زوز ماجيستير ؟ 

نعم تنجم لكن بشرط انو تكون وحدة من الماجيسيتير في فاك معينة ماهيش فارضة عليك أنك تقرى كان عندها 

---------------

6- فما ماجيستير جديدة باش تحل ؟ أو فما ماجيستير باش تسكر ؟ 

الأجابة نعرفوها وقتلي يهبط البلاغ في موقع الكلية 

-----------------

7- عندي مشكل في موقع التسجيل ؟ 

مواقع التسجيل فما موقع curusus ألي لنا فيه التفاصيل متاعو ...و فما platforme متع جامعة المنار و هي جديدة و لنا باش يكون فما التفسير متاحها ...و غير ذلك فما مواقع الكليات متع تسجيل خاصين باهم و كان عندك فيهم مشكل تتصل بالكلية 

-----------------

8- بلاغ الماجيستير وقتاش يهبط ؟

كل فاك تهبط البلاغ متاحها من دون سابق انذار و فماش وقت محدد و لازم تقراو البلاغ بالباهي لانو تلقاو فيه ساعات تفاصيل مهمة 

-----------------

9- سكور الماجيستير نلقاه في البلاغ؟ 

سكور الماجيستير ماعندوش فائدة كبيرة ، لانو انتي ماتعرفش ألي باش يصبو معاك قداش من واحد و قداش سكوراتهم و ماعندكش دليل فيه سكورات القدم كيف دليل الباك تمشي عليه ...دونك فيهوش فادة

-----------------

10- نجم نصب قد منحب في الماجيستير ؟ 

نعم تنجم تصب في العديد من الماجيستير ...ألا في نفس الفاك ...لانو ساعات في الفاك ألي يبدا فيها برشا ماجيستير يشرط عليك تصب في وحدة أو ثنين كهو ...أما في فكات اخرين تصب على روحك قد متحب. 

التسجيل في الماجيستير ماعندو حتى علاقة بالتسجيل في الهندسة كل حاجة على روحها 

فما مشكل تنجم تلقاه كيف تصب في برشا كليات، انو ساعات تقبلك فاك و تصلك عندك أجل باش تسجل و تخلص و الفلوس تكون 100 دينار القسط الأولى و انتي تلقاك قاعد تسنا في نتيجة ماجيستير أخرى لهنا ماعندك كان زوز حلول ...تخلص و بعد تنجم تخسر الفلوس أو ماتخلصش و تخسر بلاصتك و تستنى الماجسيتير الأخرى لاكن تنجم تكون فيها مجازفة