الترسيم عن بعد

الترسيم الجامعي : 
بالنسبة للترسيم الجامعي ، يتم عبر مرحلتين : 
1) عن بعد 
2) على عين المكان 

و لهنا سيقع توضيح الترسيم عن بعد 

------------------------------------------------------:

1) تشري بطاقة الدينار الالكتروني (carte e dinar jeune) من مكاتب البريد ب 15 د و تنساش تهز معاك بطاقة التعريف + نسخة من بطاقة التعريف و تتم عملية الشحن ايضا في مكاتب البريد 
البطاقة هذي تستعملها في ما بعد في التسجيل عن بعد عن طريق ادخال رقم البطاقة و كلمة السر التي سيمدك بها مكتب البريد مع العلم ان البطاقة عند اقتنائها يكون رصيدها صفر.
و كي تاخو الكارت يعطيوك معها ورقة فها رقم فيه 4 أرقام تستحقلهم كي تجبد من distributeur و رقم فيه 8 أرقام و واحد آخر يتكون 16 رقم تلقاوه على الكارت زادة تستحقلهم وقتلي تعمل تسجيل 
----------
2) تدخلو إلى موقع www.inscription.tn  وتعمل حساب و البريد و نومرو التاليفون رد بالك تنساهم خاطر كان نسيت كلمة السر مشكلة  ...و ينجم يطلب عليك أنك تكتب الكود متع sécurité ألي يجيك قدامك 

ملاحظة :
كان دخلت و قالك راو رقم بطاقة تعريف غالط أو حاجة كيف هاكة عادي ، زيد ستنا ، لانو الفاك متاعك مازالت ماتقبلش التسجيل عن بعد
وتعمروا المعطيات الخاصة ( أمشيو وين فما information ) و عمرو كان الخانات ألي قدماها * يكفي  و تنجم تعمر الباقية كيما لا 
----------
3) تمشيو إل Payement ، تخلصو بالكارطة E-Dinar ألي شريتوها  ( عملية ساهلة برشا ) تختار نوع الكارت و بعد تو يطلب عليك زوز أرقام واحد ألي فيه 8 أرقام و لاخر ألي فيه 16 رقم 
------------
ملاحظات : 
- معلوم التسجيل يختلف من جامعة إلى أخرى 
-------
- تختار فالموقع تحب تخلص المبلغ الكل مع بعضو ولا على قسطين 
------
--تنجم تخلص شطر عام و لباقي تخلصو في مارس أو أفريل أو حتى في سبتمبر متع العام الجاي 
-------
- إلي ناوي يقدم مطلب في منحة جامعية (Bourse) يخلص قسط برك من معلوم التسجيل ، موش الكل على خاطر كان كتب ربي وخذيتو المنحة ، يتم إعفائكم من خلاص القسط الثاني 

----------
- يمكن يقلك أنك غير موجود و لا payé متضهرلكش تطلعلك désactivé وقتها زيد اصبر خاطر الفاك متاعك مازالت ماتقبلش التسجيل عن بعد دونك اصبر مازال بكري 

-----------
4) تطبع وصل التسجيل بعد متكمل تخلص و تنجم تطبعو بالوقت و لا وقتلي تحب لانك تستحقلو في الترسيم مبعد