ألي يحب يعمل سنة بيضاء.لازم ساعة يقوم بالتسجيل في الفاك متاعو على موقع التسجيل و على عين المكان.

و من ثم عندو في يدو شهر من تاريخ العودة الجامعية لازمو يعمل مطلب يكتب فيه انو هو يحب يعمل سنة بيضاء و يكتب الأسباب (أجتماعية أو خاصة ) و يقدمو للفاك متاعو.

.بعد مايوافقولكو يعطيوك ورقة اسمها ""ورقة تأجيل التسجيل " ، و يطلبو عليه شهادة الترسيم الأصلية و  اعملها منها نسخ على مايواتي

و سنة بيضاء ...وقتلي واحد مثال يوافقولو على البورص و عمل سنة بيضاء ...ينجم ياخو القسط الأول و بعد معاش يعطيوه و لا ماياخوش جملا و كيما ينجم يقعد ياخو عادي كيف ميفيقوش بيه ، المسألة موش واضحة برشا.و
ألي يفوتو اجال سحب الترسيم (شهر بعد العودة الجامعية ) و يحب يعمل سنة بيضاء وقتها لازمو سبب صحي (شهادة طبية من عند طبيب نفسي أو أعصاب أو ملف صحي ....) و آخر أجل لسحب التسجيل بالنسبة لاسباب صحية يكون آخر مارس ...(فما فاكات يقبلو حتى في أفريل أو ماي لكن قليل برشا ) .

 السنة بيضاء واحد يعملها وقتلي يكون عندو أسباب أجتماعية أو صحية أو باش يعمل أعادة توجيه و يبدل القراية ألخ ...( نفكر انو أعادة توجيه حتى ونتي ماكش عامل سنة بيضاء تنجم تعديه )

 ملاحظة أخيرة ...فما عباد ماتعملش ترسيم ماشي فيبالها سنة بيضاء ....راو غالط هاكة معناها ""منقطع على الدراسة " و يتقيدلك مدوبل ....و زادت فما عباد ....تشد دارهم و ماتمشيش تقرى ...ماشي فيبالها سنة بيضاء كيفكيف غالط ....سنة بيضاء هي الحصول على سحب ترسيم أو تأجيل ترسيم

مطلب تأجيل الترسيم